Plantun de Prouvènço

Pèr coumpara dos planto d'encò nostre

Geranium robertianum & Hedysarum boutignyanum

Geranium robertianum

Geraniaceae

Noms en français : Géranium Herbe à Robert, Herbe à Robert.

Descripcioun :
La rouberto "vertadiero" èi gaire coumuno dins la Prouvènço dóu miejour. D'efèt trachis pulèu en basso mountagno o dins lis endré umide coume li ribo de ribiero. Se recounèis à si fueio proun retaiado e à si flour rose. Se destrìo de la rouberto-poupro, mai coumuno au miejour emé si estamino roujo e pas jauno. Coumpara emé la rouberto-pourpro que ié sèmblo proun.

Usanço :
Es uno planto vertuouso contro la cagagno, li blessaduro (fueio fresco) e lis espaime (mau de vèntre). Èi peréu anti-enflamativo, bono contro lis angino e li mountado de la. Se bèu en tisano de flour (25g/1L) o de planto secado (50g/1L) - leissa infusa 20 mm.

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Geranium
Famiho : Geraniaceae

Ordre : Geraniales

Coulour de la flour : Roso
Petalo : 5
Ø (o loungour) flour : 8 à 13 mm
Flourido : Printèms - Estiéu

Sòu : Ca (Si)
Autour basso e auto : 0 à 1800 m
Aparado : Noun
Mars à juliet

Liò : Bos fre - Ribiero
Estànci : Coulinen à Mountagnard
Couroulougi : Bourealo
Ref. sc. : Geranium robertianum L., 1753

Esparset(-de-Boutigny)

Hedysarum boutignyanum

Fabaceae Leguminosae

Noms en français : Sainfoin de Boutigny, Hédysarum de Boutigny.

Descripcioun :
L'esparset-de-Boutigny trachis dins lis esboudèu de mountagno mejano e de cop que i'a mai aut. Es un grand esparset emé de flour blanco (de cop que i'a lavado d'un pau de rose) e sènso péu. La planto, endemico dis Aup dóu miejour, es aparado.

Usanço :
Ramentan qu'èi pas counseia de manja li grano, que soun empouisounanto e dounon uno malautié néuroulougico, lou latirisme (presènci d'ODAP). Semblo qu'es acò qu'aurié tua Christopher McCandless, d'ounte es esta fa un film couneigu, "Into the Wild". Aurié manja de grano de Hedysarum alpinum, pamens counsidera coume manjadis.

Port : Erbo
Taio : 10 à 70 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Hedysarum
Famiho : Fabaceae
Famiho classico : Leguminosae

Ordre : Fabales

Coulour de la flour : Blanco
Petalo : irreguliero
Ø (o loungour) enflourejado : 5 à 15 cm
Flourido : Printèms - Estiéu

Sòu : Ca
Autour basso e auto : 1200 à 2700 m
Aparado : Noun
Remarco : Planto endemico
Jun à avoust

Liò : Esboudèu - Tepiero roucaiouso - Marlo
Estànci : Subaupen à Aupen
Couroulougi : Ouroufito-Sud-Éuropenco
Ref. sc. : Hedysarum boutignyanum (A.Camus) Alleiz., 1928 (= Hedysarum hedysaroides subsp. boutignyanum (A.Camus) Jauzein, 2010 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Geranium robertianum & Hedysarum boutignyanum

ges

Coumpara Rouberto emé uno autro planto

Coumpara Esparset(-de-Boutigny) emé uno autro planto